Ótrúlegt

Ég bara spyr, hvernig í ósköpunum mun aðild að ESB og upptaka Evru koma til með að "bjarga" nokkru? Það er sama fallið búið að vera á mörkuðum þar og hér, sama verðbólgan er að bíta þá og okkur, sama olíuokrið ríkir þar og hér. Það eina sem þarf að gera hér á landi er að taka til í Seðlabankanum. Hátt stýrivaxtastig hér síðustu árin var það sem varð okkur að falli á endanum. Landanum talin trú um að verið væri að berjast við verðbólgu, á meðan féð sem barst erlendis frá vegna hárra vaxta ýtti húsnæði upp um nærri 100% á 3 árum. Er það ekki verðbólga?

Ég segi bara: Seðlabankinn var að berjast við eld með bensíni, og nú á að fara að kasta sjálfstæði þjóðarinnar fyrir borð vegna heimsku og glapræði fárra.

Þeir sem vilja búa í ESB geta bara flutt þangað. Það er ekkert svo langt að fara.

Meirihluti fylgjandi ESB-aðild

Athugasemdir

[Rúnar (IP-tala skráð) 19.7.2008 kl. 14:21]

Það er ekki verið að tala um að Evran og ESB bjargi nokkru í þeim skít sem við erum núna. Það er verið að tala um að til langs tíma gæti Evran og ESB komið í veg fyrir að við þurfum að vaða skítinn upp að hnjám í hvert einasta sinn sem eitthvað bjátar á í efnahagsmálunum. T.d. er verðbólga í sögulegu hámarki í ESB núna, en er samt u.þ.b. þriðjungur af því sem við erum með hér.

Krónan magnar upp allar sveiflur og Íslendingar - ég og þú, þurfum að borga. Þessu vill fólk breyta.

[Björn Heiðdal, 19.7.2008 kl. 19:37]

Auðvitað eiga Íslendingar að taka þátt í að endurvekja gömlu Sovéthugsjónina.  Hún virkaði þrátt fyrir allt næstum því!  Það þarf bara að laga módelið með smá miðstýringu og allt verður svo miklu, miklu betra.  Það verða líka ESB kosningar og forseti.  Ekkert smá flott.  Ísland í ESB eða dauði.